Почало виплацованє звекшаних пензийох

автор днв/зам
706 Опатрене

БЕОҐРАД – Фонд за пензийне и инвалидске осиґуранє (ПИО) сообщел же януарски пензиї, хтори буду виплацени у фебруаре, буду звекшани за 1,25 одсто, а звекшанє ше одноши и на пензиї за децембер, та у тим мешацу будзе виплацена и розлика за децембер.

ПИО сообщел же звекшани пензиї перше виплацени пензионером зоз самостойней дїялносци, нєшка би мало почац виплацованє польопривредним и воєним пензионером, а 10. фебруара пензионером з катеґориї занятих.

Як пише новосадски „Дневник”, з милион 736 154 пензионерох 60 одсто ма пензию меншу як 25 000 дин., та им є нє зменшована, так же вони наисце и достаню спомнуте звекшанє.

Коло 40 одсто пензионерох у ствари нє достанє звекшанє, алє им будзе врацена зменшана часц, вжата у децембру 2014. року, пре шпорованє. Їм пензиї зменшани за 22, односно 25 одсто, бо преходзели лимит од 25 000 динари.

Штредня пензия будзе векша за 290 дин., тоти котри тераз примаю 20 000, достаню 20 250, а котрим пензия 40 000, достаню 40 500 динари, пише „Дневник”.

ПОВЯЗАНИ ТЕКСТИ