СЕРБИЯ/ВОЙВОДИНА – Премиєр Сербиї Александар Вучич виявел же у маю плановане бешедовац о финансованю Войводини, а покраїнски секретар за финансиї Зоран Радоман поручел же Покраїна порихтана на тоти розгварки, та и о других „отворених питаньох у покраїни“.
Радоман надпомнул же представителє Покраїнскей влади вецей раз иницировали розгварки о рижних питаньох значних за Войводину, алє дотераз, крем того же основана Роботна ґрупа за виробок Закона о финансованю Войводини, далєй ище нїч нє поробене.