ВЕРБАС – Вчера у Скупштини општини Вербас орґанизовани приєм за добродзечних давательох креви, котри крев дотераз дали вецей як 50, 75 и 100 раз. Приєм орґанизовали Червени криж Вербас и Општина Вербас, а давательом уручени припознаня, дипломи и плакети.
Припозананя за вецей як 100 раз дату крев достали Драґан Икрашев, Ґоран Милович, Захариє Медурич, Стеван Чирич, Станко Вукович, Илия Лукаїч, Сава Бабич, Димитриє Сретенович, Михаило Ґреґорински, Йовґен Кухар и Маринко Єж.
З тей нагоди єден з добитнїкох припознаня, Михаило Ґреґорински, поволал младих же би у цо векшим чишлє участвовали у тей гуманитарней акциї.
На гуманитарней роботи присутним подзековали секретарка Червеного крижу Вербас Татяна Ґлушчевич, предсидатель Општини Вербас др Братислав Кажич и др Миряна Ґутеша з Общого шпиталю Вербас.