НОВИ САД – На конференциї за новинарох у Заводзе за културу войводянских Руснацох у Новим Садзе 12. априла представена нєзависна продукция Новинарскей асоцияциї Руснацох (НАР), проєкт „Миниятури о макси темох”.
Проєкт облапя шейсц редио-емисиї на сербским язику, хторим теми милитаризем, национализем, расизем, фундаментализем, фашизем и анґажована уметносц.
Емисиї буду синхронизовани на руски язик, так же будзе вєно 12 емисиї. Проєкт НАР-у финансує Реконструкция женски фонд з Беоґраду, партнер на проєкту Радио Нови Сад Явней медийней установи РТВ, координаторка проєкту Анамария Ранкович, а циль му едукованє явносци и спозорйованє на спомнути теми.
На представяню визначене же и нашо новинарки указали же можу робиц комплексни теми и на сербским язику, тоти емисиї на свой сайт положел и Ервопски рух, а як гварела Ранковичова, за средстав ше будзе апликовац и надалєй и прешириц проєкти и на видео, односно ТВ-емисиї.