Синдикати заш лєм нєзадовольни з новим ришеньом Закона

автор сен/зам
944 Опатрене

БЕОҐРАД – По найновшим Нарису закона о плацох у явней управи роботнїком ше нє будзе зменшовац плаци под час хорованя и нє будзе утаргнуте надополнєнє за прешлу роботу, пише „Блиц”, медзитим, як преноши Бета, Союз самостойних синдикатох Сербиї и Зєдинєни фаховни синдикат „Нєзависносц” за ютре, од 11 до 12 г. наявели штрайк спозореня пре нєзадовольство з предложеним текстом Закона и вимагаю же би ше нє зменшовало права занятих.

Синдикати ище скорей протестовали процив наяви министра финансийох Душана Вуйовича же им по новим законє основна плаца будзе зменшана за 65 одсто, а нє просек 12-мешачних приманьох, до хторих уходза и надополнєня за дежурства, роботу за викенд и за швета, ноцна робота… Медзитим, як виявел Вуйович, и по новим законє ше будзе раховац 12-мешачни просек.

Найновша верзия Нарису закона о системи плацох занятих у явней управи прешлїдзена до шицких министерствох же би дали думанє. Идуцого тижня буду отримани догварки зоз синдикатами, потим би Нарис мала прилапиц Влада, а вец ше го прешлїдзи до Скупштини Сербиї.

ПОВЯЗАНИ ТЕКСТИ