БЕОҐРАД – Пре одлуку Влади Сербиї же би минимална цена роботней годзини у 2016. року остала иста – 121 динар, синдикати роботнїкох наявели же Уставному суду приявя випитованє уставносци и законїтосц тей одлуки.
Зоз Союзу самостойних синдикатох Сербиї (СССС) толкую же причина за звекшанє цени то же у привреди и на тарґовищу роботи витворени параметри на основи хторих би могло дзвигнуц цену роботней годзини.
Роботнїки ше закладали же би минимална цена роботней годзини була 143,55 динари, цо на схадзки Социялно-економского совиту нє потримали представителє Министерства финансийох, Министерства за роботу, обезпечованє роботи, борецки и социялни питаня и Уния роботодавательох Сербиї.
Министер за роботу Александар Вулин гварел же ше шицки маю право жалїц до Уставного суду, алє же минимална цена хтору одредзели нє правна, алє економска катеґория.