НОВИ САД – Промоция домашнєй и орґанскей поживи з реґиона под назву „Смаки традициї” отворена вчера, а будзе тирвац по нєдзелю, 6. септембер на Рибовим пияцу.
Як поручене зоз ЯП „Тржница”, тота подїя орґанизована у рамикох манфестациї „Новосадски приповедки – vol. 3”, а шицким нащивительом буду понукнути специялитети зоз сиверу Бачки – кулен, горка колбаса, кожи сир, швижи соки, на грубо и други єдла. Госци манифестациї продукователє зоз Суботици хтори представя свойо продукти.
Деґустация була орґанизована на отвераню, а будзе и на соботу, од 9 до 12 годзин.
У наиходзацим периодзе Новосадянє годни уживац и у продуктох зоз Лесковцу, Златибора, а буду мац нагоду нащивиц и манифестацию пошвецену старим ремеслом.