БИКИЧ – Опрез Дома култури у Бикичу прешлого тижня на роботних акцийох порубани седем стебла сосни пре хороту, а потим посадзени коло 20 младнїки туї, тиси и сибирского бресту.
Фодбалере ОФК „Бикич” посадзели коло 200 младнїки тополї коло фодбалского терену, а жени зоз Здруженя женох „Бикичанки”, тиж з добродзечну акцию, попораєли простори коло етно-хижи, у центре валалу и у церковней порти.
Як за Рутенпрес виявел предсидатель Совиту Месней заєднїци Деян Бобаль, у тим тижню, вєдно з вирнима и членми Церковного одбору, будзе отримана акция пораєня теметова.