КОЦУР – У Коцуре того року нєт орґанизованого дочеку Нового року, так же го Коцурци дочекаю векшином дома, лєбо у Новим Садзе.
Як гварели – пре нєзаинтересованосц младих, Клуб „Оаза” того року нє орґанизує дочек Нового року, алє будзе реприза дочеку. Ґу тому, у дньох после Нового року, та по Вилїю по юлиянским календаре, у „Оази” за младих буду журки з рижнородну музику – од диджея по тамбурашох.
Старши Коцурци, а и часц младших, Нови рок дочекаю по обисцох, а велї млади з Коцура Нови рок дочекаю и на площи у Новим Садзе.