ВЕРБАС – Пред трома мешацами Явне комуналне подприємство „Стандард” отворело помоцни шалтери у местох Општини, же би жителє нє плацали трошки превозу до Вербасу, дзе управни будинок того Подприємства.
Од октобра кажди роботни дзень резервовани за єдно место – пондзелок комунални трошки мож вимириц у Равним Селу, вовторок у Савиним Селу, стреду у Змаєве, штварток у Бачким Добрим Полю, а пиятками у Коцуре.
То ше указало як добра пракса, а як визначела портпаролка Подприємства Александра Семакин, наплацованє добре и хаснователє ше звикли на таку услугу.
У „Стандарду” заклюели же наплацованє найлєпше после приєму рахункох, та од того року шалтери у валалох робя два тижнї после дзелєня рахункох.
Попри тим, кажду соботу од 7 до 12 годзин роби и шалтер „Стандарду” на вельким пияцу у Вербаше.