БЕОҐРАД/ЗАХОДНОБАЧКИ ОКРУГ – Штредня нето плаца у Сербиї у фебруару була 44 450 динари, цо реално за 10 одсто, а номинално за 9,9 одсто вецей у одношеню на януарску плацу, сообщел Републични завод за статистику.
У одношеню на фебруар 2015. року, тогорочна фебруарска плаца векша реално за 2,4 одсто, а номинално за 3,9 одсто. Штреднї нето плаци за януар и фебруар реално за 1,6 одсто, а номинално за 3,5 одсто векши як у истим периодзе влонї.
Штредня фебруарска нето плаца у Заходнобачким округу була 37 323 динари. Заняти у Зомборе мали штреднє 34 178 динари, у апатинскей општини 47 496 динари, а у општини Кула 38 066 динари. У општини Оджак штредня нето плаца була 38 691 динари, цо скоро два раз вецей як у януаре.