БЕОҐРАД – Роботнїки котри маю достаточно роки стажу можу пойсц до пензиї гоч нє маю 65 роки, кед то одлучи роботодаватель, алє у тим случаю им мешачна пензия будзе зменшана 0,34 одсто за мешаци хтори особи хибя и за старосну пензию.
Кед пензионує роботнїка, роботодаватель идуци три мешаци нє ма право анґажовац другого роботнїка на тото празне место. Кед же то зроби, предносц за роботу на истим месце ма пензионовани роботнїк, гварели за „Дневник” представителє Фонду за пензийне и инвалидске осиґуранє.
У случаю же го роботодаватель преглаши за технолоґийни звишок, роботнїк муши достац одпремнїну у складзе з общим актом, лєбо контрактом о роботи. Медзитим, як технолоґийни звишок ше може приявиц до Националней служби за обезпечованє роботи и витвориц право на пенєжне надополнєнє 12 мешаци, под час хторих му идзе роботни стаж. О рок може вимагац пензионованєл скорей часу.
Синдикати до Влади Сербиї придали вимогу же би ше пременєло член закона хтори реґулує тирванє скорейчасовей пензиї, та можлїве же скорейчасова пензия будзе утаргнута кед особа наполнї 65 роки.