РУСКИ КЕРЕСТУР – Бензинска станїца у Руским Керестуре нє роби од 1. юлия, а знова би мала буц отворена 1. авґуста, дознава Рутенпрес.
До павза у роботи пришло пре пременку власнїка, як и реновиранє бензинскей пумпи.
Дотерашнї власнїк бензинскей пумпи у Керестуре бул „Дуда инвест” з Беоґраду, а од нєдавна то „Кнез петрол”, тиж з Беоґраду, котри окончує одредзени роботи на станїци, дзе у буду поставени и стрехи над пумпами за гориво.
Як дознава Рутенпрес, по пременки власнїка бензинска станїца будзе робиц 24 годзини, а останю робиц дотерашнї троме заняти.