РУСКИ КЕРЕСТУР – Тих дньох, кантавтор Сашо Палнєкаш на своїм Ют’юб каналу обявел пейц авторски инструментални сонґи компоновани за дзецинску моно-драму „Мая и Бобо” хтора пре пандемию вируса корона, нїґда нє була виведзена пред публику.
Векшина сонґох одграни на клавиятурох, алє и на ґитари, у виводзеню автора Палєнкаша, а вон за спомнуту представу написал и текст.
Музика правена за представу, даєдни писнї у функциї преходох медзи двома дїями, даєдни представяю звучну подлогу хтора требала дочарац амбиєнт одредзеней дїї, а даєдни писнї мали улогу музики за танцованє, гварел автор.
Сонґи мож зняц на його Bandcamp профилу https://sasapaljenkas.bandcamp.com/album/maja-bobo-soundtrack або одслухац на Youtube линку.
