СЕРБИЯ – Од початку того рока почало применьованє новей Лїстини лїкох, на хторей коло 250 нови лїки, а за вецей як половку цени зменшани за 10 до 62 одсто у одношеню на 2014. рок. На тот способ осиґураним особом доступни лїки векшого числа розличних продуковательох, як и цалком нови лїки за лїченє Паркинсоновей хороти и шизофрениї, сообщело Министерство здравя.
Туньши лїки у шицких терапийских ґрупох, так же з применьованьом новей Лїстини лїкох Републични фонд за здравствене осиґуранє и гражданє буду мац вельо менши трошки за лїки.
Знїжени и цени дзепоєдних лїкох процив звекшаного голестеролу и хтори ше хаснує у превенциї инфаркту, потим лїкох хтори ше хаснує як антитромболитики и тиж у превенциї инфаркту, та лїки хтори ше хаснує у терапиї гипертензиї, антибиотики, антипсихотики, антидепресиви и други.
Окрем лїкох, остатнї днї на нашим тарґовищу зазначени и пад цени горива. По штреднїм курсу Народней банки Сербиї, штредня цена бензину у держави виноши 1,078 еври за литру, цо спод просеку у одношеню на 10 жеми у реґионє. Штредня цена дизелу виноши 1,114 еври за литру, обявене 6. януара у тижньовей анализи Здруженя нафтових компанийох Сербиї.