РУСКИ КЕРЕСТУР – Дзеци зоз пририхтуюцо-предшколских ґрупох зоз дзецинскей заградки Цицибан урядово закончели роботни рок, на пригодней програми ше поздравели зоз воспитачками и родичом указали цо шицко научели потераз.
Дзеци зоз ґрупи Штрумфи отримали програму прешлого пиятку, рецитовали, розчитовали и шпивали, док дзеци зоз ґрупи Пчолки отримали програму того пондзелку през цикаву приповедку о проєктох котри реализовали потераз.
Тиж, програму орґанизовали и як законченє годзинох зоз анґлийского язика, дзеци зоз трох ґрупох – Штрумфи, Пчолки и Печарки.
Дзецинска заградка Цицибан и през лєто будзе робиц скоро у полним капацитету пре вельку заинтересованосц, а уж у септембру буду прияти нови дзеци.
