НЄМЕЦКА – Всоботу, 27. юния упокоєл ше о. Игор Миз, син дакедишнього новосадского пароха о. Романа Миза.
Священїк Игор Миз ше народзел 5. октобра 1962. року у Славонским Бродзе, у Горватскей. Основну школу закончел у Новим Садзе, ґимназию у Риме (Италия) як школяр Українскей Папскей малей семинариї св. Йосафата. Богословски студиї закончел у Заґребе, на Католїцким богословским факултету, дзе вислухал и постдипломски семестри. За диякона го у Новим Садзе 12. юлия 1991. року пошвецел владика Славомир Микловш, а за священїка владика Павло Василик 8. юния 1998. у Чернївцох, у України, як клирика Минхенского грекокатолїцкого еґзархату.
На початку бул капелан на парохиї у Минхену, а познєйше парох у Дизелдорфу. Оталь бул премесцени за душпастира до Лудвиґсфелду при Минхену, и бул меновани за редактора церковних новинох Християнський голос у Минхену.
Оженєти бул зоз Зоряну Кальваровску, маю штверо дзеци.
Пензионовани бул пре хороту 2008. року и жил у месточку Гаймштетен при Минхену, поховани будзе у Нємецкей.