НОВЕ ОРАХОВО – У рамикох 35. спортских бавискох „Яша Баков”, внєдзелю, 4. октобра отримани турнир у малим фодбалу за ветеранох. На турниру участвовали штири екипи, а бавело ше по системи кажде зоз каждим.
Турнир ше бавел на фодбалским стадиону ФК Славия, а екипу творели 5 бавяче + ґолман.
Екипи хтори ше змагали: РКЦ (Нови Сад), КУД Тарас Шевченко (Дюрдьов), КУД Петро Кузмяк (Нове Орахово) и ФК Искра (Коцур).
Конєчни пласман 35. Спортских бавискох „Яша Баков” у малим фодбалу за ветеранох шлїдуюци: 1. ФК Искра, 2. КУД Петро Кузмяк, 3. КУД Тарас Шевченко, 4. РКЦ.
После одбавеней змагательней часци, додзельованє припознаньох було у Доме Култури.
