САВИНЕ СЕЛО – КК Русин одбавел пририхтуюце стретнуце, всоботу, 3. октобра процив екипи КК Будучносц и страцел, а конєчни резултати були 46:38.
На стретнуцу бавели дзеци народзени 2012. року и младши.
КК Будучносц – КК Русин – 45:38.
Найефикаснєши бавяч у Русиновей екипи бул Давид Колошняї, хтори дал 17 коши.
За екипу Русина бавели – з лїва на право горнї шор: тренер Даниел Асталош Дєндо, Дарко Еделински, Радош Селич, Тони Колошняї, Давид Колошняї, Алексей Виславски, долнї шор з лїва на право – Ґреґор Рац, Даниел Фейди, Тони Чизмар, Иван Надь, Филип Дудаш и Тони Сивч.
Екипу водзел Даниел Асталош.
Шлїдуюце пририхтуюце стретнуце заплановане же би кошаркаше Русина одбавели процив екипи КК Зомборац зоз Зомбора (2013 и младши).
Нашо кошаркаше одбавели ище єдно стретнуце прешлого викенду у Сивцу и победзели парнякох зоз резултатом 90:86.
На стретнуцу бавели дзеци народзени 2013. року и младши.
Треба наглашиц же ше стретнуце у Сивцу бавело длужей, бавели ше штири штварцини по 15 минути.