КУЛА – Народна библиотека Кула и того року орґанизує фото-конкурс „Окулар”, зоз исту тему як и потераз „Кула на фотоґрафийох”.
Конкурс отворени по 20. октобер, покля треба послац найвецей три власни фотоґрафиї, а кажде хто пошлє вецей як три фотоґрафиї, будзе виключени зоз участвованя на конкурсу.
Заинтересовани учашнїки треба же би послали фотоґрафиї хтори настали на подручу городу Кули, або на було хторим месце на териториї општини Кула. Кед на фотоґрафиї нє мож ясно заключиц у хторей часци городу або општини настала, учашнїки зоз фотоґрафию треба же би придали и подробнєйши информациї о локациї.
Фотоґрафиї муша буц самостойни и авторски, без монтажи и обробку (окрем основних корекцийох фарби и контрасту).
Фотоґрафиї треба послац на мейл адресу bibliotekakula@gmail.com у JPG або TIFF формату, найменшей резолуциї 2756 x 3937 пиксели.
Найлєпши фотоґрафиї буду представени на велькей вистави хтору Народна библиотека орґанизує док ше конкурс закончи.