РУСКИ КЕРЕСТУР – Традицийну манифестацию Тидзень дзецка, од 5. по 10. октобер, означую и дзеци у Основней и штреднєй школи зоз домом школярох Петро Кузмяк у Руским Керестуре, того року под слоґаном Же би дзеци були щешлїви – любов, почитованє, а нє сила.
Перши дзень означованя тей манифестациї почал зоз бависком зоз коцками под назву Гибай най ше бавиме за школярох нїзших и висших класох основней школи, отримана и еко-акция ушореня школского двора, а у сотруднїцтве зоз Дружтвом за помоц МНРО Белава птица зоз Кули, през цали тидзень буду отримовани активносци под назву Дзеци дзецом – вєдно можеме вецей.
Школяре штреднєй школи отримали кухарску роботню и роботню фракталного рисованя под назву Цо рисунок гутори о мнє, а тиж и роботнї на тему дискриминациї.
За кажди дзень Дзецинского тижня учителє, наставнїки и педаґоґи, у основней и штреднєй школи, обдумали рижни психолоґийни, та кухраски роботнї, еколоґийни, спортски або уметнїцки активносци, интересантни бависка, оглядни годзини, єшеньски крос, квизи и подобне.
