РУСКИ КЕРЕСТУР – У рамикох проєкту Професийней ориєнтациї, школяре осмей класи Основней школи Нестор Жучни зоз Лалитю, нащивели Основну и штредню школу зоз домом школярох Петро Кузмяк у Руским Керестуре.
Под час нащиви, школяре ше упознали зоз образовнима профилами и занїманями за хотри ше школяре пририхтую, зоз условиями школованя, як и зоз можлївосцами дальшого образованя, а потим и доставаня роботи.
Представени им и змесценє и живот у Дому школярох, як и каждодньово активносци и орґанизация живота и роботи школярох. Нащива помогла школяром же би ше лєпше поинформовали о вибору штреднєй школи и же би принєсли одлуку о своїм будуцим образованю и професийним розвою.
