Церковни хор шпивал и у старовербаскей парохиї

автор Ол. Русковски
93 Опатрене

ВЕРБАС – Вельку Службу Божу у Грекокатолїцкей церкви Покрова Пресвятей Богородици у Старим Вербаше внєдзелю, 12. януара зоз шпиваньом прикрашел Церковни хор грекокатолїцкей церкви Успения Пресвятей Богородици зоз Коцура.

Служба Божа почала на 9 годзин, а окрем госцуюцого Церковного хору, присутни були и числени вирни старовербаскей парохиї.

Службу Божу служел парох о. Алексий Гудак, а Церковни хор зоз своїм шпивом возвелїчал богослуженє.

По законченю Служби Божей, парох о. Гудак подзековал членом коцурского Церковного хору же на таки способ прикрашели и возвелїчали тото богослуженє. Члени Церковного хору тиж одшпивали и вецей коляди, на чесц Рождества Христового.

Друженє домашнїх парохиянох и членох Церковного хору предлужене у одборнїци, дзе було порихтане ошвиженє за шицких присутних.

ПОВЯЗАНИ ТЕКСТИ