Гуманосц коцурского ципелара

автор Ол. Папуґа, фото Б. Бєлович
1.2k Опатрене

ВЕРБАС – До здруженя „Мултиарт” зоз Вербасу, хторе ше стара о дзецох хтори маю почежкосци у розвою и о особох з инвалидитетом сцигли шейсц инвалидни кочики хтори им подаровала фондация „Тисяч причини” зоз Штудґарту у Нємецкей. Три кочики тото здруженє послало до здруженьох у Враню, Сврлїґу, и Бачкей Тополї, а три остали у вербаскей општини.

Кочики барз квалитени, алє су хасновани, та их требало обновиц. Нови кочики коштаю 700 евра цо родичом чийо дзеци маю потребу за таким кочиком барз драге и нє можу их купиц. Прето, гоч и хасновани кочики з Нємецкей им добре пришли.

Владимир Бесерминї, ципелар зоз Коцура на шицки кочики положел нову скору и так их обновел и поробел вельке дїло. Випатраю як нови. Таки добротворе злата вредза и указую же обични чловек може вельо поробиц за свойого ближнього хтори у потреби.

ПОВЯЗАНИ ТЕКСТИ