ВЕРБАС – На 15. Фестивалу дзецинских жридлових ансамблох, хтори ше отримує у рамикох фолклорней манифестациї „Панонски вашар”, вчера, 27. септембра участвовала Старша фолклорна ґрупа КУД „Жатва” зоз Коцура.
Члени Старшей фолклорней ґрупи КУД „Жатва” зоз Коцура, медзи вецей як 25 учашнїкох, нєсцерпезлїво чекали свой наступ на тей смотри фолклору. Вони одтанцовали хореоґрафию „Руски танци”, пририхтали их руководительки Александра Горняк и Катарина Горняк, а на наступу их провадзел оркестер КПД „Карпати”. По словох предсидательки КУД „Жатва” Меланиї Мали Старша фолклорна ґрупа участвовала на тей смотри фолклору после вецей як 10 роки и барз су задовольни и щешлїви же наступали, а наздаваю ше же буду успишни и на шлїдуюцих смотрох.
Фолклорна манифестация на хторей участвую ансамбли традицийних танцох, шпиванки и обичайох Войводини „Панонски вашар” отримує ше у Спортским центре „Драґо Йовович”, 27. и 28. септембра у Вербаше. Уход на шицки програми ше нє наплацує.
