СРИМСКА МИТРОВИЦА – На соботу, 18. януара на Националним швету Руснацох у Републики Сербиї у Сримскей Митровици отрима ше Усни новини Новинско-видавательней установи „Руске слово”.
Усни новини буду з нагоди 100-рочнїци „Руских новинох” и 80-рочнїци НВУ „Руске слово” од 18:00 по 19:00 годзин у Святочней сали Музичней школи „Петар Кранчевич” у Сримскей Митровици.
На Усних новинох зоз читачами о установи буду бешедовац новинаре, редакторе, и директор НВУ„Руске слово”, а присутни годни висловиц свою думку о виданьох и опитац ше цо их интересує у вязи зоз Установу.
НВУ„Руске слово” зоз Уснима новинами остатнїх рокох обишло векшину местох дзе жию Руснаци.