ҐОСПОДЇНЦИ – У Грекокатолїцкей церкви святого архангела Михаїла у Ґосподїнцох вирни преславели швето Рождество Христово – Крачун.
На Вилїю, вовоторк 6. януара, всеночне на 16 годзин служел домашнї священїк о. Михаил Холошняй, а за клиросом шпивали о. Борис Холошняй и мастер филозофиї и теолоґиї Страхиня Здравкович, котри на пракси у дюрдьовскей церкви.
На перши дзень Крачуна, стреду, 7. януара, на 8 годзин була Литурґия св. Йоана Златоустого.
На други дзень Крачуна, нєшка, штварток, 8. януара на швето Собор Пресвятей Богородици, на 8 годзин Литурґия св. Йоана Златоустого и мированє.
На треци дзень Крачуна, на ютре, пияток, 9. януара на швето св. Першомученїка и архидиякона Штефана, на 8 годзин будзе Литурґия св. Йоана Златоустого и мированє.