2. ЮНИЙ – На нєшкайши дзень отворена перша кнїжкарня у Новим Садзе.
1790 – У Новим Садзе отворена перша кнїжкарня, власнїк бул Емануел Янкович.
1847 – Першираз на орґульох виведзена композиция Свадзебни марш Феликса Менделсона на єдним винчаню у церкви святого Петра у Тивертону у Анґлиї.
1860 – Народзел ше пивцоучитель и културни роботнїк Микола Ґубаш (Коцур, 2. юний 1860 – Коцур, 12. юний 1909).
1900 – Успишно демонстрована лєтачка цепелин, хтору розвил ґроф Фердинанд фон Цепелин.
1904 – Народзел ше олимпийски шампион у плїваню и филмски ґлумец Джони Вайсмилер (Фрайфорд, Банат, нєшка Румуния, 2. юний 1904 – Акапулко, Мексико, 20. януар 1984). Перши преплївал сто метери за менєй од минути. Освоєл три златни медалї на Олимпийских бавискох 1924. року и два 1928. року. Як ґлумец є познати по главних улогогох у филмох о Тарзанови.
1953 – Елизабета II у Вестминстерскей катедрали у Лондону корунована за кралїцу Велькей Британиї и Сиверней Ирскей.