ДЮРДЬОВ – Националне швето Руснацох – 17. януар, у Дюрдьове, штварток 15. и пияток 16. януара означени и у Предшколскей установи „Дзецинствоˮ оддзелєнє „Дюрдєвакˮ у Дюрдьове.
Швето означене у єдиней мишаней, двоязичней ґрупи у корей ше бешедує и по руски. Воспитачка Марина Сабадош и Даница Андрич дзецом, на їм прилаплїви способ бешедовали о историї Руснацох, як ше приселєли и дзе ше шицко розсельовали, та и як ше орґанизовали у пестованю култури и язика.
Медзи иншим, указане дзецом и як випатра застава Руснацох у Републики Сербиї на котру ше спатрали, а вец вифабйовали зоз одвитуюцима фарбами видруковану заставу на паперу.
Програму обдумали воспитачки Марина Сабадош и Даница Андрич.
