ВЕРБАС – У парку у центру Вербаса нєшка, 16. септембра, будзе отримани пияти Фестивал мадярскей кухнї и традициї.
Шветочне отверанє заказане за 11 годзин, а теди почнє и предайна вистава и вистава ручних роботох котра будзе тирвац по 21 годзину.
На 14 годзин у рамикох Фестивалу будзе отримана и културна програма.
За наймладших нащивительох орґанизаторе пририхтали дзецински куцик, дзе буду отримани рижни роботнї, рисованє, рисованє по тварох, а змагателє достаню и награди.
Тиж, шицки котри ше того дня приду до центру Вербаса, годни уживац у мадярских смакох – ґулашу, ланґошу, сирох, Куртош колачох, традицийних старинских колачох, домашнїх маджунох, сокох, ликерох.
Орґанизаторе тогорочного Фестивалу мадярскей кухнї и традициї КУД „Сирмаи Карольˮ зоз Вербасу.