ВЕРБАС – III Вербаске обегованє будзе отримане нєшка, 13. мая, сообщели орґанизаторе Општина Вербас и Вербаски атлетски клуб.
Потвердзена и траса по котрей буду бежиц шицки учашнїки догварених обегованьох на дзешец, пейц и єден километер. Обегованє на найдлугшей часци источашнє и Першенство Сербиї на дзешец километри на драги.
Старт и циль обегованя будзе у улїци Маршала Тита на Площи Николи Пашича. На дзень обегованя, у периодзе од 14 по 18:30 годзин буду за транспорт заварти улїци Маршала Тита и Сави Ковачевича од крижаня зоз улїцу Ґустава Крклеца (при Главней пошти), по крижанє з улїцу Буди Томовича.
По розпорядку обегованьох – на 16 годзин будзе обегованє за дзеци, на 16:30 обегованє на єден километер, а на 17 годзин обегованє на пейц и дзешец километри.
Стартни пакети учашнїки можу превжац од 14 до 16 годзин.
