ДЮРДЬОВ – У 14. колу Подручней фодбалскей лиґи Нови Сад, хторе одбавене 24. новембра у Дюрдьове, фодбалере ФК „Бачка 1923” зоз Дюрдьова победзели у стретнуцу зоз фодбалерами Фодбалского клубу „Славия” зоз Нового Саду, зоз резултатом 3:2.
Ґоли за Бачку посцигнул Деян Тривунович у 65. минути и 71. минути. Жовти картон у екипи Бачкей достали Желько Тривунович, Миладин Срданов и Драґан Тривунович.
Госци ґоли посцигли у 6. минути, у 35. минути посцигли авто ґол и у 42. минути.
После того кола Бачка на дзевятим месце на таблїчки зоз шеснац бодами. Дюрдьовских фодбалерох обчекує ище єдне стретнуце до конца єшеньскей часци сезони. Вони ше у шлїдуюцим колу стретню зоз фодбалерами Фодбалского клубу „Фрушкогорец” зоз Сримскей Каменїци.