Перши боди на дербию у Вербаше

автор З. Колєсар
777 Опатрене

ВЕРБАС – У шаховкей Войводянскей лиґи ґрупа Суботица внєдзелю у Вербаше одбавени дерби медзи ШК „Вербас” и ШК „Омладинєц” зоз Коцура.

Гоч Омладинєц нє почал сезону як прешлих рокох и на перших двох стретнуцох тей яри прецерпел два пораженя, коцурски шахисти до Вербасу пошли мотивовани зазначиц першу побиду. Тото им ше и удало, та победзели прешвечлїво зоз резултатом 0,5:5,5

Побиди за Омладинєц зазначели Карло Бала, Владимир Лазор, Ґоран Попович, Ґавра Коларич и Любомир Турович, а ремизирал Ґабор Фейса.

Омладинєц после 3 колох ма 3 освоєни боди и находзи ше на пиятим месце на таблїчки. По конєц ярнєй часци сезони остало одбавиц ище два кола. На нєдзелю Омладинєц будзе госцовац у Кули процив Гайдука, а у остатнїм колу у Коцуре дочека екипу Панониї.

ПОВЯЗАНИ ТЕКСТИ