ВЕРБАС – Нєшка почина манифестация „Дзецинске лєто 2023” („Дечије лето 2023”) на Площи Николи Пашича. У цеку перших двох тижньох у юлию орґанизована штиридньова забавна и едукативна програма наволана „Дзецинске лєто 2023”.
Организаторе општина Вербас и Канцелария за младих, а за дзеци порихтани театрални представи, концерти, наступи фолклорних ґрупох, дзецинского хору, буду и рижни креативни роботнї мальованя, скулпторства, рисованя и едукативни програми. Кажди дзень програма почнє на 16 годзин и закончи ше зоз театралну представу за дзеци коло 19 годзин.
Манифестација почнє нєшка, 4. юлия, а окрем креативних роботньох будзе ше и дзецом мальовац по твари, а културно-забавну програму пририхтали дзеци з двох оводох Предшколскей установи „Бошко Буха”. З дзецми ше будзе дружиц Бранимир Росич и а на концу будзе театрална представа.
Подобна програма будзе и на пияток 7. юлия, шлїдуюцого тижня програма планована на вовторок 11. и пияток 14. юлия.