РИК до тераз преглашела петнац виберанково лїстини

автор В. Вуячич
197 Опатрене

БЕОҐРАД – На 28. схадзки Републична виберанкова комисия (РИК) преглашела виберанкову лїстину „Ми – глас з народу, проф. др Бранимир Несторович” за виберанки за народних посланїкох Народней скупштини, хтори розписани за 17. децембер. На лїстини 101 кандидат за народних посланїкох, а на гласацким лїстку будзе на штернастим месце.

На истей схадзки преглашена и виберанкова лїстина Сербия на Заходзе – Зоран Вулетич – Неманя Милошевич – Най ше фах пита – Владимир Ковачевич, за виберанки за народних посланїкох Народней скупштини, хтори розписани за 17. децембер. На лїстини 110 кандидати за народних посланїкох, а на гласацким лїстку будзе на петнастим месце.

На 25. схадзки Републична виберанкова комисия (РИК) преглашела виберанкову лїстину „Политична борба Албанцох ше предлужує – Шаип Камбери” за виберанки за народних посланїкох Народней скупштини, хтори розписани за 17. децембер. Лїстина ма положенє виберанковей лїстини националней меншини, а на гласацким лїстку будзе на тринастим месце.

ПОВЯЗАНИ ТЕКСТИ