Розпорядок преслави Националного швета Руснацох по наших местох

автор В. Вуячич
67 Опатрене

НАШО МЕСТА – Централна шветочносц означованя Националного швета Руснацох у Републики Сербиї того року будзе отримана у Сримскей Митровици на соботу, 18. януара. З пригоднима програмами Националне швето будзе означене и по подручних канцеларийох Националного совиту Руснацох.

По информацийох яки сцигли зоз служби нашого Националного совиту, на штварток 16. януара Дзень Руснацох будзе означени у Коцуре на 18 годзин, у просторийох Подручней канцелариї и у Бикичу у Дружтве „Иван Котляревски” на 18 годзин.

На пияток, 17. януара швето означа Дюрдьовчанє на 12 годзин у просторийох КУД „Тарас Шевченко”. На 13 годзин швето преславя Руснаци у Кули у просторийох РКУД „Гаврил Костелник”. У Новим Орахове на 16 годзин на фамелийней хижи Папуґових будзе одкрита спомин-плоча Сенки Бенчик, а на 17 годзин будзе пригодна програма у просторийох КУД „Петро Кузмяк”. У Руским Керестуре, преслава почнє на 18 годзин у Доме култури, а у Руским културним центре у Новим Садзе на 19 годзин. Истого дня швето ше означи и у Шидзе у КПД „Дюра Киш”.

Централна програма будзе отримана на соботу, 18. януара у Сримскей Митровици.

Швето уж означене у Вербаше 10. януара у просторийох КПД „Карпати” и вчера 15. януара у Бачинцох у Доме култури.

ПОВЯЗАНИ ТЕКСТИ