ДЮРДЬОВ – У Основней школи „Йован Йованович Змай” у Дюрдьове, пияток 16. януара означене Националне швето Руснацох.
З тей нагоди, учителька Єлена Кухар и наставнїца руского язика Мария Самарджич пририхтали пригодну програму у котрей школяре бешедовали парняком о Руснацох.
Вчера дополадня, у першей змени школяре седмей класи руского оддзелєня ишли од учальнї до учальнї у школи, здравкали по руски, пречитали кратку историю Руснацох, а потим и прецо значни датум 17. януар, як Руснаци на тих просторох дружтвено орґанизовани у образованю, медийох, културним и просвитим живоце, алє и як випатра Руска застава и яка єй символика.
Исти дзень, у пополадньовей змени, школяре нїзших класох котри руски язик уча як виборни предмет, зоз исту програму упознавали школярох нїзших класох зоз историйнима фактами и терашнїм анґажманом и функционованьом рускей заєднїци у Дюрдьове и других местох у Сербиї.
У програми участвовали: Мария Рамач, Владимир Молнар, Андрей Балїнт, Владимир Тимко и Михайло Пап.
