РУСКИ КЕРЕСТУР – Скупштина Рускей матки (РМ) будзе отримана на соботу 22. марца, на 11 годзин у Месней заєднїци Руски Керестур.
На дньовим шоре буду звити предсидателя, предсидателькох/предсидательох месних/городского/реґионалного одборох РМ, Финансийни звит за 2024. рок, як и плани дїялносци РМ и єй одборох у 2025. року.
Слова будзе и о орґанизацийних темох як и вибор делеґациї од 15 делеґаткох/делеґатох за участвованє у роботи 18. Шветового конґресу Русинох/Руснацох/Лемкох у Букурешту, хтори будзе од 12. по 15. юний у Парламенту републики Румуниї,.
Пред Скупштину РМ, на 10 годзин, у просторийох РМ, отрима ше кратку схадзку Управного одбора за пририхтованє Скупштини и прецизованє предкладох за пременку трох членох Статута РМ.