НОВИ САД – У Руским културним центру у Клубу приятельох штварток, 30. марца отримани Стретнуца у Матки, а госцинска була писателька Агнета Бучко Папгаргаї.
Писателька Агнета Бучко Папгаргаї медзи иншим гварела же дзечнє провадзи шицко цо ше случує у култури при Руснацох и радує ше каждому успиху, и же добре же єст досц младих хтори пишу на нашим язику. Окрем того спомла и же вше пише, а ма и досц того написане. Алє и же нє нашла ище дефиницию, же би дахто дефиновал цо то, хтора то хвилька хтора поруша же би ше дацо написало.
Розгварку и знїманє за телевизию, водзел Славко Винаї.