ВЕРБАС – У Явней библиотеки „Данило Киш” у Вербаше зоз представяньом найновших капиталних дїлох рускей лексикоґрафиї означена 100-рочнїца обявйованя першей ґраматики руского язика о. др Гавриїла Костельника и 110-рочнїца од народзеня професора Гавриїла Г. Надя (1913–1983), хтори и народзени у Вербаше.
Отримана и промоция двох капиталних дїлох рускей лексикоґрафиї – Правописа руского язика зоз правописним словнїком проф. др Михайла Фейси и мр Гелени Медєши и Анґлийско-руского словнїка проф. др Михайла Фейси, мср Марини Шлемендер и мср Славици Чельовски, як и Малей историї Русинох Ивана Попа.
О дїлох бешедовал професор Фейса, а Катарина Фейди и Силвия Маґоч читали виривки зоз рецензийох.
Як поведзене на промоциї хвильково ше роби на тим же би шицки три представяни кнїжки достали статус приручнїка односно наставного средства же би ше их хасновало у образовней системи на руским язику.