ВЕРБАС – Позарядово парламентарни виберанки, як и покраїнски виберанки, отримани 17. децембра на териториї цалей општини Вербас. На 7 годзин отворени 36 виберацки места.
По нєурядових резултатох, до виберацкого списку за парламентарни виберанки уписани 33.559 гласаче, а гласали 22.522 гласаче, цо 67,11 одсто. Нєважаци лїстки було 2,94 одсто.
Лїстина число 1 Александар Вучич – Сербия нє шме стануц достала найвецей, 11.641 гласи, односно 51,71 одсто. На другим месце лїстина число 7 Сербия процив насилства – Мариника Тепич – Михаило Бркич котра достала 5.016 гласи, односно 22,28 одсто. На трецим месце лїстина число 2 Ивица Дачич – Премиєр Сербиї зоз 1.547 гласами, односно 6,87 одсто, а на штвартим лїстина число 5 Др Милош Йованович – Нада за Сербию зоз 850 гласами, односно 3,78 одсто.
До виберацкого списку за покраїнски виберанки уписани 33.749 гласаче, а свойо право гласац вихасновали 22.423 гласаче, цо 66,44 одсто. Нєважаци лїстки було 2,93 одсто. Лїстина число 1 Александар Вучич – Сербия нє шме стануц достала найвецей, 11.504 гласи, односно 51,31 одсто. На другим месце лїстина число 7 Сербия процив насилства – Мариника Тепич – Михаило Бркич котра достала 4.918 гласи, односно 21,94 одсто. На трецим месце лїстина число 2 Ивица Дачич – Премиєр Сербиї зоз 1.660 гласами, односно 7,4 одсто, а на штвартим лїстина число 5 Др Милош Йованович – Нада за Сербию зоз 959 гласами, односно 4,28 одсто.