РУСКИ КЕРЕСТУР – Вифлеємски огень сцигнє до парохиї св. отца Миколая до Катедрали нєшка после вечаршей Служби Божей, по законченю Крачунскей дзевятнїци.
Швичка зоз Вифлеємским огньом будзе стац под час Служби на штред церкви.
Вирни го можу превжац так же зоз свою швичку запаля и подзеля пламень и однєшу швичку до свойого обисца.
Коло швички котра швици з вифлеємским пламеньом будзе тека до котрей вирни годни записац свойо мено и презвиско. Тота тека пойдзе до Єрусалиму дзе на вилїю монахи буду читац мена особох зоз цалого швета котри записани у тей теки. Буду ше модлїц за тоти особи котри розширели Вифелємски огень дзеляци так и означуюци мир, любов и надїю.