БЕРКАСОВО/БИКИЧ – У Церкви святого архангела Михаила у Беркасове на Вельки пияток було Христово хованє з покладаньом плащанїци до гроба.
На перши дзень швета односно на Вельку ноц парох о. Владимир Еделински Миколка служел Службу божу после хторей було пошвецанє паскох.
Пондзелок тиж служена Служба Божа и пошвецене жито, а пополадню на 14 годзин парох благословел гроби на валалским теметове.
У Церкви Успеня Пресвятей Богородици у Бикичу на Вельки пияток було Христово ховaнє з покладаньом плащанїци до гроба, а на Вельку ноц парох о. Владимир Еделински Миколка служел Службу Божу на осем годзин рано и пошвецел кошарки з пасками.
На други дзень Служба Божа була на дзевец годзин и пошвецене жито, а пополадню на 15 годзин на теметове бул благослов гробох.