КУЛА – Дом здравя Кула означел Дзень физичней активносци хтори промовує здрави стил живота и превенцию од хоротох.
Тим Дома здравя штварток, 22. мая нащивел Ґеронтолоґийни центер у Кули, дзе им указали рижни физични вежби зоз хторима хаснователє того дому можу унапредзиц здравє, вимерали им цукер и прицисок.
У Предшколскей установи „Бамби” у Руским Керестуре наймладшим бешедоване о здравей поживи, физичних вежбох, а шицко тото пре розвой здравих навикох од дзецинства.
Члени Карате клубу „Гайдук” и Атлетского клубу „Гайдук маратон тим” достали витамини же би их активни тренинґи и живот були квалитетнєйши.
Здруженє Героїни зоз помоцу Фондациї Моцарт штварток 22. мая у Кули окончело проєкт „Твой щитни, твой щит” и дало безплатни улатразвучни препатрунки хтори були наменєни хлопом и женом од 20 до 60 рокох хтори нє маю дату дияґнозу и нє пию лїки за хороту щитного шлїжнїка.
Дотераз тоти здруженя обишли 14 општини и поробели 2500 ултразвучни препатрунки.