РУСКИ КЕРЕСТУР – Нови термин за Конїцки обегованя котри орґанизує Конїцки клуб (КК) „Русин” заказани за 15. авґуст на гоподроме „Леї”, на Вельку Матку Божу. Тоти обегованя требали буц отримани 8. юлия, а одказани су пре вельки дижджи котри теди нападали. Иншак, тоти обегованя роками отримовани у рамикох манифестациї „Днї керестурскей паприґи”, а того року термин пременєни пре преклапянє терминох зоз другима обегованями.
На обегованьох буду шейсц дринґацки точки, з котрих пейц єднозапрагни, и єдна двозапрагна, а медзи змаганями орґанизатор пририхтує представянє парадних кочох и интересантни бависка и награди за публику, а на концу и друженє з музику и вареним єдзеньом.
Отверанє будзе на 14, а змагательна часц почнє на 15 годзин. Попри домашнїх нащивительох, орґанизаторе обчекую и числених госцох зоз других местох.
(Насловна фотоґрафия зоз Конїцких обегованьох 2016. року)