ВЕРБАС – Предсидателька Скупштини општини Вербас Маряна Мараш заказала 12. схадзку локалного парламенту за стреду, 11. юлий, а на дньовим шоре буду 13 точки, медзи хторима и ребаланс буджету за 2018.рок.
Одборнїки буду розпатрац и предкладанє одлуки о закончуюцим рахунку буджету Општини Вербас за 2017. рок, предкладанє одлуки о явних паркинґох, як и предкладанє одлуки о розпорядку, початку и законченю роботного часу у Апатики „Вербас”.
Попри тим, на дньовим шоре и звит о реализациї Рочного и финансийного плану роботи за роботни 2017/2018. рок Предшколскей установи „Бошко Буха”, предкладанє ришеня о даваню согласносци на Програму роботи тей установи зоз финансийним планом за роботни 2018/2019. рок и друге.
Схадзка почнє на 9 годзин.