НОВИ САД – Наймладши патраче програми Рускей редакциї РТВ буду мац нагоду патриц анимировано-рисовани филми синхронизовани на руски язик под назву „Нарисуй ми приповедку”.
Рисовани филми на руским язику буду емитовани у рамикох емисиї „Перли”, а по руски их синхронизовали Саня Дивлякович и Александра Бучко.
То шпански анимировани сериял за наймладших, едукативного є характеру, а потераз бул емитовани на першей програми РТВ. У филмох хасновани розлични уметнїцки технїки хтори комбиновани з нарацию.
Перши анимировани филм будзе емитовани нєшка на 17,20 годзин на другей програми у термину емисиї „Перли”, а синхронизация би требала буц предлужена и убудуце.