РУСКИ КЕРЕСТУР – На Гиподроме „Леї” посадзени коло 300 древка сибирского бресту и дакус баґрену, а акцию окончели 15 члени Конїцкого клубу „Русин” на чолє зоз предсидательом Жельком Папуґом.
Древка посадзени на месце дзе дараз бул лїпов лєшик, а тоту акцию „конїкаре” витворели дзекуюци помоци Здруженя спортских рибарох „Коляк”. Рибаре уж роками сотрудзую зоз „Лєсарским ґаздовством” Зомбор хтори им и на тот завод подаровал древка.
У акциї садзеня помогол и Иґор Рац, власнїк Подприємства „Комфорт”, хтори уступел свой трактор и вартачку за дзири до хторей древка посадзени.
