ВЕРБАС – Пияток, 8. януара, отримана седма новорочна акция Общого шпиталю Вербас „Бебом з любову”, на хторей подзелєни дарунки фамелийом перших народзених бебох у тим року у вербаским породзилїщу, односно котри народзени од 1. януара по Крачун по юлиянским календаре.
Дарунки того року достали 11 беби. Перша народзена беба у 2016. року достала кочик, дарунок Общого шпиталю, а перша народзена беба з териториї општини Вербас од локалней самоуправи достала 80 000 динари.
Мацери и донаторох привитали о.д. директора Шпиталю др Видосава Зунданович Волич, началнїца Ґинеколоґиї др Зорица Ристич, предсидатель Општини Вербас др Братислав Кажич и представителє донаторох.
Дарунки обезпечели и „Карнекс”, „Супермиксплус”, Апатика „Янкович”, лаицки священїк євангелскей церкви Александар Суботин, Червени криж Вербас и други.