НОВИ САД – У Новим Садзе порушана акция безплатного телефонского совитованя гражданох, котри совити годни достац з 24-ох обласцох, як цо то польопривреда, право, медицина, психолоґия, социялни проблеми, просвита, педаґоґия, култура и друге.
Проєкт порушала орґанизация „Про Фамилиа“, у хторей активни фаховци з рижних обласцох. Гражданом на розполаганю буду 90 фаховци, а кажди з нїх будзе мац одредзени дзень у тижню кеди будзе одвитовац на питаня.
Инициятор и координатор тей ґрупи правнїк Шандор Заварко, а за вецей информациї го мож контактовац на число телефона 064/33-88-438.